ب بەرهەڤبوونا پەیمانگەها چارستین، دەستەیا متمانەبەخشینا کوردستانێ وۆرکشوپەکا گرنگ دگەل دامەزراوا شەهید ئەنجام دا (2025-05-18)

رۆژا ئێکشەمبی رێکەڤتی 18-5-2025ێ، ب بەرهەڤبوونا هەر ئێک ژ بەڕێزان "د. محەمەد عەلی حسێن" سەرۆکێ بۆردێ دامەزراوا شەهید، ئەندامێن بۆردی،"د. باوەڕ شمس الدین" راگرێ پەیمانگەها تەکنیکى و پیشەیى یا چارستین، "د. هونەر عیسا" رێڤەبەرێ بۆردێ KAAE و "د. دیلان مەجید" ژ دەستەیا KAAE و گشت ڕاگرێن پەیمانگەهێ دامەزراوا شەهید و هژمارەکا بەرچاڤ ژ مامۆستایان، وۆرکشوپەکا گرنگ ل پەیمانگەها ئارارات ل دۆر هەلسەنگاندنا پیڤەرێن بنەرەتی یا دەستەیا متمانەبەخشینێ بۆ دامەزراوە و پرۆگرامێن پەروەردە و خواندنا بلند هاتە ئەنجامدان. ئەڤ وۆرکشوپە ب هەڤکاریا دامەزراوا شەهید بۆ پەروەردە و خواندنا بلند هاتبووە رێکخستن. رێورەسم ب راوەستیانا رێزگرتنێ بۆ گیانێ پاکێ شەهیدان دەستپێکر. "د. محمد علی حسێن" سەرۆکێ بۆردێ دامەزراوا شەهید، لە وتارێکدا دیارکر، "دامەزراوا شەهید، وەک مەزنترین دامەزراوا پەروەردەیی و خواندنا بلند ل هەرێما کوردستانێ، هەردەم هەول ددەت بۆ بلندکرنا ئاستێ زانستی و پەروەردەیی ل پەیمانگەهێن خۆ دا. گۆتژی، "ئەڤرۆ ب هەڤکاریا دەستەیا متمانەبەخشینێ (KAAE)، دێ پێنگاڤەکا دی یا گرنگ بیت بۆ باشترکرنا پرۆسەیا خواندنێ ل پەیمانگەهێن مە". هەروەسا راگەهاند، "ل ڤێرێ ئەم سوپاسیا KAAE بکەین کو هەڤکاریەکا باش دگەل مە کر. هەروەسا سوپاسیا هەمی بەشداربوویان دکەم کو هاتینە ڤێ وۆرکشوپێ. ئەز باوەرم کو ئەنجامێن ڤێ وۆرکشوپێ دێ کاریگەریەکا ئەرێنی هەبیت ل سەر ئایندەیا پرۆسا خواندنێ ل پەیمانگەهێن سەر ب دامەزراوا شەهیدڤە." پشتی وی، "د. هونەر عیسا، رێڤەبەرێ بۆردێ KAAE"، پەیڤا خۆ پێشکێشی ئامادەبوویان کر. د. هونەر عیسا روونکر کو KAAE دەستەیەکا متمانەبەخشینێ یا نیشتمانی یە و ژ لایێ حکومەتا هەرێما کوردستانێڤە هاتیە دامەزراندن و سەر ب سەرۆکاتیا حکومەتێڤە کار دکەت. ئەڤ دەستە د چارچۆڤەیا یاسایا ژمارە 30 یا سالا 2023ێ دا کاردکەت. ئارمانجا سەرەکی یا دەستەیێ، دانانا ستاندارد و جێبەجێکرنا میکانیزمێن پێداچوونێ یە، دا کوالیتیا خواندنێ ل هەرێما کوردستانێ بهێتە بلندکرن. وۆرکشوپ بۆ 14 پەیمانگەهێن سەر ب دامەزراوا شەهید هاتە ئامادەکرن، کو راگر، رێڤەبەر و مامۆستایێن وان پەیمانگەهان بەشداری تێدا کر. ئەڤ وۆرکشوپە پێنگاڤەکا گرنگ بوو بۆ پێشڤەبرنا سیستەمێ خ