پێنگاڤەکا گرنگ و مێژوویی د گەشەکرنا پەیمانگەهێ دا (2025-05-14)

د رێورەسمەکێ فەرمی و ژ هەژی دا، ل رێکەفتی ١٤/٥/٢٠٢٥، پەیمانگەها چارستین، پێنگاڤەکا گرنگ و مێژوویی ئاڤێت و یاداشتنامەکا لێکتێگەهشتنێ و هاریکاریا پیشەیی دگەل کومەلگەها وان گلوبال یا نوژداری (Wan Global Medical Complex) ل پارێزگەها دهوکێ، واژۆ کر. ڤێ یاداشتنامەیێ، ب ئامادەبوونا بەرێزان "د. باوەر شمس الدین زێباری" راگرێ پەیمانگەهێ و "د. مصطفی شکری المفتي،"رێڤەبەرێ کومەلگەهێ، هاتە ئیمزاکرن. ئێک ژ ئارمانجێن گرنگ و سەرەکی و ستراتیژی یێن ڤێ یاداشتنامەیا هاریکاریێ، ئەوە کو، قوتابیێن مە یێن بەشێ پەرستاری و تەندروستی، دێ بێ بەرامبەر مەشقا هاڤینێ و پراکتیکا زانینێ ل ڤێ کومەلگەها پیشەسازی و پیشەیی ئەنجامدەن. د ڤێ پروسەیێ دا، قوتابی دێ بشێوەکێ زانستی، پراکتیکی، ب رێکوپێک و پیشەیی، فێری کار و تەکنیکێن نوژداریێ بن، کو پێدڤیە بو بازارێ کاری. ڤێ یاداشتنامەیێ، دەرفەتەکا گرنگ و ببها پێشکێش دکەت بو قوتابیان، کو ئەزموونەکا ڕاستەقینە و زیندی ل ژینگەهەکێ پیشەیی دا وەربگرن و، پێزانینێن خو یێن تیۆری دگەل پراکتیکا کاری یا ڕاستەقینە بهێنن تێکەڵکرن.