ڤیستەڤالا رووه‌كێن دەرمانی و بەرهەمێن سروشتی و جوانکاری ل پەیمانگەها چارستین برێڤەچوو (2025-04-28)

روژا دوو شەمبی رێکەفتی ٢٨/٤/٢٠٢٥ــێ، ڤیستەڤالا ئێكێ یا رووه‌كێن ده‌رمانی و به‌رهه‌مێن جوانكاری ل هه‌رێما كوردستانێ، ب بەرهەڤبوونا بەڕێزان"د. باوەڕ شمس الدین" راگرێ پەیمانگەها چارستین و هەژمارەکا زێدە مێڤان، قوتابى و مامۆستایێن زانینگەهێن دهۆک و سەلاحەدبن و پۆلیتەکنیک یا دهۆکێ و، ب پشکداریا پتر ژ 10 کومپانی و رێکخراو و دەرمانخانە و پەرتوکخانه‌یان لە پەیمانگەها چارستین بڕێڤەچوو. ڤیستەڤال ژ سێ برگان پێکدهات؛ برگا ئێکێ : - پێشاندانا رووه‌كێن دەرمانی و بەرهەمێن سروشتی و دەرمانی: هەر ئێک ژ کومپانی و رێکخراو و دەرمانخانێن بەشداربوو، بەرهەمێن سروشتی کر دناڤا ڤیستەڤالێ دا و بەرهەم دهاتنە شروڤەکرن بو مێهڤانان. برگا دووێ : - پێشانگەها وێنەیێن گولێن سروشتی : کو چەندین وێنەیێن گولێن سروشتی، ژ لایێ کەسێن شارەزاڤە هاتبونە گرتن و هاتنە پێشاندان و شروڤەکرن بو گشت مێهڤانان. برگا سیێ : پانێلەکا زانستی لدور رووەکێن گیایی یێن دەرمانی؛ ئەڤ بڕگە ژى ب پشکداریا هەر ئێک ژ بەڕێزان "پ.هـ.د. هدار سعید فیزی" ژ زانکویا دهوک ، "پ.ی.د. بدر قادر سورچی" ژ زانکویا سەلاحەدین و "د. بتول قاسم جمعا" ژ دەرمانخانا هەناسە بڕێڤەچوو.هەژى یا گوتنێیە، کو پانێل ژلایێ ماموستا " سعید مزگین ” هاتە بڕێڤەبرن.