دالیا ئاراز (بەشێ دەرمانسازی - قوناغا دووێ)

گه‌له‌ك مرۆڤان گازنده‌یا بێ خه‌ویێ هه‌یه‌، كو ئه‌ڤێ‌ ب رەنگەکێ ئێکسەر كاریگه‌رى ل سه‌ر ساخله‌مى و ژیانا رۆژانه‌ یا وان هه‌یه‌. د ڤێ ره‌وشێ دا، گه‌له‌ك كه‌س رادبن و به‌رێ خۆ دده‌نه‌ بكارئینانا حه‌بان دا كو خەوا وان بهێت. ل گوره‌ى مالپه‌رێ Today Medical News پشتى ده‌مه‌كى ژ بكارئینانا ڤان حه‌بان، كاریگه‌ریه‌كا دژوار ل ساخله‌میێ دكه‌ن ژوان كاریگه‌رى و خرابییان ئه‌ڤه‌نه‌: - گوهۆڕین د سیسته‌مێ خوارنێ دا - گێژبوون - ئێشانا گه‌ده‌یێ و سۆتنا وێ - قه‌له‌وى - قەبزبوون و زکچوون - هشكبوونا دەڤی و گەورییێ - سه‌رئێشان و چێبوونا غازاتان -له‌رزینا هنده‌ك ئه‌ندامێن له‌شى د ده‌مێ خه‌وێ دا - سۆتن و ئێشانا دەست و پێیان - تێکچوونا بەلەنسا مرۆڤی و گێژبوون - شربوون و هاتنا خەوێ ب رۆژێ - لاوازی د هزرکرنێ دا - تێکچوونا بیردانێ و ئاستێ هشیارییێ -لەرزینا نەبدەست و ل جهێن جودا یێن لەشی -دیتنا خەونێن نەخۆش -ژبەرخەورابوون ب هنده‌ ك رێكێن سرۆشتى تو دشێی خه‌وه‌كا ئارام و ته‌ندروست بده‌ستخۆڤه‌ بینى، ژوان: - سیسته‌مه‌كێ خوارنێ یێ ساخلەم كو ژ فێقى و كه‌سكاتییێ پێک هاتبیت. - کرنا وه‌رزشێ، ب تایبه‌ت ژى یوگا - دویرکەفتن ژ فه‌خوارنێن كافاین د ناڤ دا - دویرکەفتن ژ ڤەخوارنێن کحۆلی - رێکخستنا دەمێن نڤستن و رابوونێ - چێکرنا ژینگەهەکا گونجای بۆ نڤستنێ؛ ژوورەکا تاری کو پلەیێن گەرماتییا وێ د ناڤبەرا 18 بۆ 22 پلەیێن سیلیزی دا بن.